Машинам лукташ

Пӧрт гыч лукташ вынести из дома;

пӧртйымач лукташ вынести из подполья;

вӱта гыч лукташ (вольыкым) вывести из хлева (скот).

Мый тудым йӱлышӧ танк гыч луктынам. М. Рыбаков. Я вынес его из горящего танка.

Саван вате кыдеж гыч корка дене вӱдым луктеш. А. Волков. Жена Савы из-за перегородки выносит воду в ковшике.

Помыш гыч лукташ достать из-за пазухи;

кӱсен гыч лукташ вынуть из кармана;

вӱд гыч лукташ вытащить из воды;

рок йымач лукташ достать из-под земли.

Сакар тупысо лачыжым кудаше, лаче гычше ош мераҥым лукто. С. Чавайн. Сакар снял с плеч пестерь, из пестеря вытащил белого зайца.

Соколов ӱстел гыч папкым лукто, кагаз-влакым шергаш тӱҥале. В. Иванов. Соколов достал папки из стола и стал перебирать бумаги.

Кӱтӱм лукташ выгнать стадо;

эрыкыш лукташ выпустить на свободу;

больнице гыч лукташ выписать из больницы;

петырыма гыч лукташ освободить из-под стражи;

спутникым орбитыш лукташ вывести спутник на орбиту.

Урем капкаштым комдык почын, вате-влак вольыкыштым луктыт. Д. Орай. Раскрывая настежь ворота, женщины выгоняют свою скотину.

Сай оза тыгай игечыште пийжымат тӱгӧ ок лук. С. Чавайн. Хороший хозяин в такую погоду и собаку на улицу не выпустит.

Ӱпшым лукташ испускать запах;

шокшым лукташ излучать тепло;

парым лукташ выпускать пар;

тулым лукташ извлекать огонь;

йӱкым лукташ издавать звук.

Южышт, шӧрын возын, трупкам тӱргыктат, южышт сигарке мучаш гыч чыли тулым луктыт. Н. Лекайн. Одни, лежа на боку, дымят трубками, другие излучают слабый свет кончиками сигарок.

Умшаж гыч шокшо южым луктын, ийым левыктынеже. О. Тыныш. Выпуская изо рта тёплый воздух, хочет растопить лёд.

Бригадым пашаш лукташ вывести бригаду на работу;

войскам авыралтма гыч лукташ вывести войска из окружения;

йоча-влакым тӱгӧ лукташ вывести детей на улицу;

илыш-корныш лукташ вывести на жизненный путь.

Эрла чыла калыкым уржа тӱредаш лукташ кӱлеш. М. Рыбаков. Завтра весь народ надо вывести на жатву.

Пӧлемыште кум омса: икте коридорыш луктеш, весе кухньыш наҥгая. А. Волков. В комнате три двери: одна ведёт в коридор, другая – на кухню.

Чесым лукташ выставить угощение.

Иктаж-мо кочкаш уло гын, лук, а мый пӧлемыш пурем. Н. Лекайн. Если есть что-нибудь покушать, выставь, а я пойду в комнату.

Поро ава, сийым луктын, ӱстел йыр уна-влакым пуртен шынден. В. Косоротов. Добрая мать, выставив угощения, рассадила вокруг стола гостей.

Вуйым лукташ высунуть голову;

йылмым лукташ высунуть язык.

Мланде ден кава сургалтыч, ок лий вуйым лукташат. В. Рожкин. Земля и небо содрогнулись, невозможно даже высунуть голову.

Эрай почмо окна гыч пел капшым луктын, курык велыш онча. А. Мурзашев. Эрай, высунув из окна половину своего тела, смотрит в сторону гор.

Окнам лукташ выставить окно;

омсам лукташ выставить дверь.

Вор-влак, кӱвароҥам луктын, пӧртыш пуреныт. Воры вошли в дом, вынув половицу.

Сравочым йомдаренам, окнам луктын пураш верештеш. Потерял ключ, придётся войти (в дом), выставив окно.

Нефтьым лукташ добывать нефть;

шӧртньым лукташ добывать золото;

спиртым лукташ получать спирт.

Уна, ончылнына могай кугу кӱ ора кия – тидым чыла кид дене лукмо. Й. Осмин. Вон, видишь, перед нами какая куча камней – всё это добыто руками.

Яшай теле гоч смолам, скипидарым луктеш, шӱйым ышта. С. Чавайн. Яшай всю зиму добывает смолу, скипидар, вырабатывает уголь.

Ревым лукташ вытащить репу;

кешырым лукташ убирать морковь;

миным лукташ извлечь мину.

Кум шагат жапыште Мичуш ятыр пареҥгым лукто. Н. Арбан. В течение трёх часов Мичуш выкопал много картошки.

Машинам лукташ вытащить машину;

возым лукташ вытащить воз.

Лавыраште пижын шинчыше машинам шӱдыралын лукто трактор модыш пашкарлак. В. Горохов. Застрявшую в грязи машину трактор вытащил, как игрушечную палочку.

Толашен-толашен, ушкалым лавыра гыч луктыч. Б. Данилов. С большими усилиями вытащили корову из грязи.

Терысым лукташ вывозить навоз;

пум лукташ вывозить дрова.

Колхозник-шамыч пасулаш ӱяҥдышым лукташ вашкат. М. Большаков. Колхозники спешат вывезти на поля удобрения.

– Тый, Семон изай, кушко кает? – Кордонышко пу лукташ. С. Чавайн. – Ты, дядя Семон, куда едешь? – На кордон дрова вывозить.

Списке гыч лукташ исключить из списка;

институт гыч лукташ исключить из института.

Мый тыйым паша гыч луктам, заявленийым возо. Д. Орай. Я тебя увольняю с работы, пиши заявление.

Ванькам суд деч ончыч партий гыч луктыныт. М. Шкетан. Перед судом Ваньку исключили из партии.

Оксам лукташ выпускать деньги;

сатум лукташ выпускать товары;

книгам лукташ издать книгу.

Марийланат тыгай газетым лукташ ок лий мо? К. Васин. Разве нельзя издавать такую газету и для марийцев?

Кызыт ме вес электробритвым луктына, «Эрвий» маналтеш. Ю. Артамонов. Сейчас мы выпускаем новую электробритву, называется «Эрвий».

Пунчалым лукташ вынести постановление;

законым лукташ издать закон;

приговорым лукташ вынести приговор.

Олык нерген чыла раш. Тӱшкан каҥашыме, пунчалым лукмо. В. Чалай. В отношении лугов всё ясно. Сообща обсуждено, вынесено решение.

Кузе шонет, Кырля шольо, тугай указым луктын кертыт вет? А. Волков. Как ты думаешь, брат Кырля, могут ведь издать такой указ?

Ӱчашымашым лукташ вызвать спор;

нелылыкым лукташ порождать трудности;

ӧрмашым лукташ вызвать удивление;

ӱшаным лукташ вызвать доверие;

шинчавӱдым лукташ вызвать слёзы.

Молан лач тиде муро тынар шонымашым луктеш? М. Рыбаков. Почему именно эта песня вызывает столько раздумий?

Икмыняр пуш, тыгыде толкыным луктын, вӱдӱмбалне лӱҥгалтеш. К. Васин. Несколько лодок, создавая волны, качаются на воде.

Мутым лукташ завести разговор;

йомакым лукто завёл сказку;

семым лукташ выводить мелодию;

мурым лукташ начать песню.

А икана ачаж-аважлан колхозыш пурымо нерген мутым лукто. П. Корнилов. А однажды он завёл разговор о вступлении в колхоз.

Эчан ныжылгырак тошто мурым лукто. Н. Лекайн. Эчан начал нежную старинную песню.

Ужалаш лукташ вынести на продажу;

каҥашаш лукташ вынести на обсуждение;

конкурсыш лукташ вынести на конкурс.

Тудо уто-ситым сурт гыч ок лук. П. Корнилов. Он не выносит сор из избы.

Чеверлыкше пазарышке лукташ огеш кӱл, лийже ушыжо. Калыкмут. Красота не товар для базара, был бы ум.

Чыныш лукташ привести к истине;

окмакыш лукташ оставить в дураках;

ончыко лукташ вывести вперёд;

айдемыш лукташ вывести в человека;

передовикыш лукташ вывести в передовики.

Тый мыйым воштылтышыш ит лук. М. Иванов. Ты меня не превращай в посмешище.

Тудын скрипкаже марий мурым моло мур коклаште ончыл верыш лукто. С. Чавайн. Его скрипка вывела марийскую песню на первое место среди других песен.

Айста шкенан бригадым ончыл верыш луктына. А. Асаев. Давайте выведем свою бригаду на передовое место.

Ӧрмӧ тӱсым лукташ выразить удивление;

тӱҥшӧ койышым луктеш проявляет черты упрямства.

Тудо шкенжым вольнан куча, торжа койышым луктеш. Н. Лекайн. Ведёт себя она вольно, проявляет грубости.

Сайполалан уло селтлыкшым лукташ логалеш. А. Эрыкан. Сайполе приходится показывать все свои хитрости.

Лышташым лукташ распускать листья;

нерым лукташ распускать почки.

Тудо (тополь) ужар лышташым эр шошымак луктеш. В. Иванов. Он (тополь) распускает листья ранней весной.

Уржа озым атыланен кушкеш, вашке пучым луктеш. Й. Осмин. Озимая рожь буйно разрастается, скоро пойдёт в стебель.

Оравам лукташ снять колесо,

кӧргым лукташ потрошить, вынуть потроха;

поршеньым лукташ снять поршень.

Ачый, мый вет лӱмын огыл, уто ораважым веле лукнем ыле. В. Орлов. Папа, я ведь не нарочно, хотел только лишнее колесико снять.

Печатлыме листым машинке гыч лукто, ӧрдыжкӧ пыштыш. П. Корнилов. Она сняла с машинки отпечатанный лист, отложила в сторону.

Конешне, еш илыш шотышто автор изишак чиялтен, шешкыжым торжа еҥ семын луктын. А. Волков. Конечно, в отношении семейной жизни автор переборщил немножко, сноху свою изобразил как грубого человека.

Формулым лукташ вывести формулу;

правилым лукташ вывести правила;

лӱмым лукташ выдумать прозвище.

Курым ден тул верч кредалын, луктын айдеме чакмам. В. Колумб. В вековой борьбе за огонь человек изобрёл огниво.

Тый, Ачин йолташ, оксат шагалат, сандене у «теорийым» луктынат, чын вет? Я. Ялкайн. Ты, товарищ Ачин, придумал новую «теорию», потому что у тебя мало денег, так ведь?

Нуно муныштым ырыкташ шинчыныт, игым лукнешт. Е. Янгильдин. Они сели высиживать свои яйца, хотят вывести птенцов.

Шырчык игым луктын гын, кыне ӱдаш йӧра. Пале. Если скворец вывел птенцов, пора сеять коноплю.

У урлык уржам луктыныт вывели новый сорт ржи;

шӧран урлык ушкалым лукмо выведена молочная порода скота;

биолог-влак у урлык чывым луктыныт биологи вывели новую породу куриц.

Пашам лукташ задать работу;

уто сомылым лукташ создать лишние хлопоты;

ойгым лукташ провоцировать печаль.

Тумна, толын, мыланна пашам ок лук ыле гын, очыни, шыже йӱштӧ эр утларак витара ыле. М.-Азмекей. Если бы сова, прилетев, не задала нам работы, холодное осеннее утро совсем проняло бы нас.

Корно... Корно... Могае тыште ойыртем! Мӧҥгыш толмо годым тайылан лиеш. Кайыме годым веле, курыкыш топкен, шӱртньылаш тыршалын, лакылам луктеш. В. Регеж-Горохов. Дороги... Дороги... Какие они разные. Возвращаешься домой – идёт под гору, уходишь из дома – идёт словно в гору и создаёт ухабины, чтобы ты спотыкался.

Осал койышым лукташ кӱлеш надо вытравить его нехорошие повадки;

кугешнымыжым лукташ вытравить его гордость.

Мотор Лидат деч лӱдат. Тудым изишак пӱтыралаш, аяр тӱтыражым лукташ ок лий ыле мо? М. Казаков. Боишься своей красотки Лиды? Разве нельзя было её немножко приструнить, вытравить её мутную желчь?

Азап гыч лукташ вызволить из беды;

эҥгек гыч лукташ вывести из несчастья.

Ишкылен лукташ вышибать, вышибить.

Ишкым ишке дене ишкылен луктыт. Калыкмут. Клин клином вышибают.

Кучен лукташ выводить, вывести.

Давай ушкалжым кучен луктына. Н. Лекайн. Давай выведем корову его.

Пуртен лукташ сводить, свести.

Рвезе калыкым частьыште вик мончаш пуртен луктыч. В. Микишкин. Молодых людей в части сразу сводили в баню.

Шӱдырен лукташ вытащить, вытаскивать; выволочь, выволакивать.

Мешакым шӱдырен лукташ выволочь мешок.

Составные глаголы:

Лавырашке пижын шичше машинам шӱдыралын лукто трактор модыш пашкарла. Регеж-Горохов. Застрявшую в грязи машину трактор вытащил как игрушечную палку.

Составной глагол. Основное слово:

Нуно ик шонымаш дене, ик шӱлыш дене чӧгытым нӧлталыт, чойным велат, кӱртньым левыктен луктыт, машинам ыштат. М. Шкетан. Они единой мыслью, единым дыханием поднимают молот, выплавляют чугун и железо, изготовляют машины.

Составной глагол. Основное слово:

Лицензийым пуаш выдать лицензию.

Сонарзе-влак теле тӱҥалтыште вес лицензийым кучылтыныт. «Мар. ком.» В начале зимы охотники пользовались другой лицензией.

Тудым (машинам) ыштен лукташ моло эл-влак мемнан деч лицензийым налыныт. А. Юзыкайн. На производство машины другие страны купили у нас лицензию.

Рульым пӱтыраш крутить руль;

кече почеш пӱтыраш крутить по солнцу.

Колодич кышкарым ну пӱтырем, ну пӱтырем. Г. Пирогов. Ну кручу, ну кручу колодезный вал!

Телефоным пӱтыраш набирать номер телефона (букв. крутить телефон);

кидвакшым пӱтыраш крутить ручную мельницу.

Ныл еҥ дене машинам пеш сайын пӱтыраш лиеш. Н. Лекайн. Вчетвером очень хорошо можно крутить машину.

Почым пӱтыраш вилять хвостом;

кидым пӱтыраш закручивать руки.

Кандияровшо тудлан ок ӱшане ала-мо, вуйжым пӱтыра, титаканла шыргыжаш тӧча. А. Эрыкан. А Кандияров, кажется, не верит ему, мотает головой, пытается улыбаться, словно виноватый.

Кандырам пӱтыраш вить верёвку;

сортам пӱтыраш изготовлять свечу.

Йолыштыжо (рвезын) – йыдал. Керемжым шер гай пӱтырен. Н. Лекайн. У парня на ногах лапти. А оборы он свил словно из бусинок.

Макарова ӱдырым умылыш. Газет пачкым кылта ораш содор тойыш, Галя деке лишемын, кылта пидышым пӱтыраш пиже. П. Корнилов. Макарова поняла девушку. Она быстро спрятала пачку газет в копну снопов, приблизившись к Гале, принялась скручивать свясло.

Плакатым пӱтыраш сворачивать плакат;

пучла пӱтыраш свёртывать трубкой;

казайолым пӱтыраш свёртывать козьи ножки.

Палаткынам пӱтырен, ротный деке ошкылна. И. Ломберский. Свернув свои палатки, мы пошли к ротному.

Семён, тамбурыш лектын, сигаркым пӱтыра, пычкемыш йӱдыш онча. Ю. Артамонов. Выйдя в тамбур, Семён свёртывает сигарку, всматривается в тёмную ночь.

Эҥырвотым пӱтыраш наматывать леску;

ӱпым пӱтыраш накручивать, завивать волосы.

Ончо, шӱртым шӱдырем, мундырашке пӱтырем. А. Юзыкайн. Смотри, пряду я нить, навиваю в клубок.

Комплектоватлыме отделенийыште коло машина пашам чарныде ышта: вичкыж мамык хлопокым барабан йыр йӱдшӧ-кечыже пӱтыра. В. Иванов. В отделении комплектования работает, не переставая, двадцать машин, они дни и ночи наматывают тонкий пушистый хлопок на барабан.

Ыштырым пӱтыраш обматывать портянки;

шӱеш шарфым пӱтыраш обмотать вокруг шеи шарф;

марле дене пӱтыраш перевязывать марлей.

Оҥгыран пӱгыш тӱрлеман кугу шовычым пӱтырат. А. Юзыкайн. Дугу с бубенцами обматывают большой вышитой шалью.

– Тетла нимогай эм ок кӱл, шкак паремеш, – кутыра Ведерка, Илюшын кидшым лапчык дене пӱтыра. Ю. Артамонов. – Не надо больше никакого лекарства, рана сама затянется, – говорит Ведерка и перевязывает руку Илюша тряпкой.

Йокмам пӱтыраш обертывать гостинцы;

азам пӱтыраш закутывать ребёнка;

шокшын пӱтыраш укутывать тепло.

Вигак тудым (вынерым), чот ломыжан вӱдеш нӧртен, ӱмбачше, ынже кошко манын, иктаж-могай шовыч дене пӱтырен, коҥгаш шуат. «Мар. ӱдыр» Тут же, замочив холст в разведённой золой воде и завернув его от засыхания какой-нибудь тряпкой, бросают в печь.

Тудо (Нату) вынер ӱмбалан ужгам чиен, вуйжым шокшо шовыч дене пӱтырен, пидме йолан. М. Иванов. Нату надела шубу, обшитую холстом, голову укутала тёплым платком, в лаптях.

Сравни с:

Ӧрышым пӱтыраш крутить усы;

шовыч мучашым пӱтыраш крутить кончик платка.

(Редактор) кенета телефоным лишке шупшыльо, шнурым ятыр жап пӱтырыш, но трубкам ыш нал. М. Иванов. Вдруг редактор пододвинул к себе телефон, долго крутил шнур, но трубку не взял.

Коклан-коклан йӱдйымачын виян мардеж пуалеш, лумым пӱтыра. М. Шкетан. Временами с севера дует сильный ветер, кружит снег.

Ош туняжат огеш кой, поранан мардеж пӱтыра, шӱшка, урмыжеш. «Мар. ком.» Не видно белого света, кружит метель, свищет, воет.

Вуем коршта да шылыжым пӱтыра. М. Шкетан. У меня болит голова, ломит в пояснице.

Адак, шокшо компотым теммешке йӱмек, Эрикын мӱшкыржӧ пӱтыраш тӱҥале. В. Иванов. Опять, как напился горячего компота досыта, у Эрика схватило живот.

Шыдыже (Опойын) чонжым пӱтыра. Д. Орай. Злость сжимает Опою душу.

А Сулийын кӧргыжым ала-могай шинчаш койдымо вий кочын чучынак пӱтыра, туржеш. А. Юзыкайн. Всё нутро у Сулия горько сжимает, изводит какая-то невидимая сила.

Ош марле – вишкыде тӱтыра чашкерым, серым пӱтыра. М. Казаков. Как белая марля белый туман чащобу, берег обволок.

Умша тич пӱтыраш уминать полный рот.

– Тый коншудым ит тӱкӧ, тудо южгунамже киндымат алмашта, – Йыван манеш. – Мыланнаже алмашта, а поянже садак калачым пӱтыра! А. Эрыкан. – Ты не трогай лебеду, иногда она заменяет хлеб, – говорит Йыван. – Нам-то заменяет, а богачи так же наворачивают калачи.

Составные глаголы:

Кужу электропоезд длинный электропоезд.

Специализироватлыме грузовой вагоным, кӱртньыгорно цистерным, электропоездлан вагоным, тыгак путевой машинам утларак ыштен лукташ. «Мар. ком.» Увеличить выпуск специализированных грузовых вагонов, железнодорожных цистерн, вагонов для электропоездов, а также путевых машин.

Электропоезд ужар вондеран изи вокзал ончылан шыман чарнен шогале. «Ончыко» Электропоезд тихо остановился у маленького вокзала с зелёными кустарниками.